Electróns
Un equipo liderado por investigadores do Instituto Max
Planck para a Física de Microestruturas, en Alemaña, desenvolveu un novo xeito
de medir a emisión de pares de electróns directamente mediante a combinación de
dous instrumentos de laboratorio comúns chamados espectrómetros de tempo de
voo, como describen os expertos na revista 'Applied Physics Letters'.
Ao disparar un raio de luz ou partículas en certos materiais
especiais pódense liberar pares de electróns, un fenómeno coñecido como
"emisión de pares de electróns", que pode revelar as propiedades
fundamentais dos sólidos e información necesaria para deseñar novos materiais
para aplicacións futuras.
Medir as emisións de pares de electróns sempre foi difícil
porque tradicionalmente se facía utilizando fontes de luz sincrotrón altamente
custosas, dispoñibles nuns poucos laboratorios de todo o mundo. Ninguén
encontrou un xeito de medir rutineiramente interaccións de pares de electróns
sobre unha mesa de laboratorio estándar.
"Einstein recibiu o Premio Nobel pola súa explicación
do efecto fotoeléctrico, que foi publicado en 1905. Einstein considerou a
posibilidade de que a enerxía do fotón poida ser transferida a máis dun
electrón", destaca Michael Huth, investigador postdoutoral no Instituto
Max Planck de Física de Microestructuras. "A existencia deste proceso
proporciona acceso directo á forza de correlación de electróns",
agrega.
Un par de electróns está "alborotados" por un só
fotón dende un punto de vista experimental, o que require da combinación dunha
fonte de luz axeitada e espectrómetros de electróns. Desarrolarunha
configuración así implica un "esforzo significativo", segundoHuth,
quen explica que o equipo alcumou a súa configuración da cámara de fotoemisión
"Hydra" porque os seus dous espectrómetros de tempo de voo dotan a
cámara dunha aparencia de múltiples cabezas.
O equipo investigou o óxido de níquel (NiO), que, en teoría,
debe ter fortes efectos de correlación electrónica. Mentres medían a
distribución de enerxía, os científicos sorprendéronse ao descubrir que, en
contraste co metal, a suma da enerxía do par de electróns non mostra trazos prominentes.
"Observamos que os metais e o óxido de níquel se
comportan de xeito moi diferente -destaca Huth--. Isto implica que a nosa
técnica permite cuantificar a intensidade de correlación electrónica". A
cuantificación da forza de correlación de electróns dun material de estado
sólido é importante porque permite aos investigadores caracterizar as súas
propiedades útiles, incluíndo a supercondutividade e a transición
metal-illante, por exemplo.
Ningún comentario:
Publicar un comentario