Curiosity
O vehículo Curiosity, que se encontra en Marte
dende hai un ano e medio, realizou esta semana o traxecto máis longo en marcha
atrás.
Esta operación aconteceu o martes pasado,
cando o rover percorreu 100,3 metros nesta dirección, que ademais foi o máximo
avance dunha xornada completa dende hai máis de tres meses.
Esta técnica de condución permite diminuír o
dano ás rodas, algo que preocupa aos expertos en terra, pois a fins do ano pasado
foron detectados máis buratos nas lamias do presupostado.
"Queriamos practicar a condución en
marcha atrás porque sen dúbida haberá partes da nosa ruta que serán máis
difíciles", dixo Jim Erickson, do Laboratorio de Propulsión a Chorro da
Nasa en Pasadena, California.
Para definir ben o camiño a seguir, e evitar o
terreo difícil, o equipo do rover está a utilizar imaxes tomadas dende a órbita
do planeta vermello. E se aínda así se encontran cunha ruta complicada, poden
ocupar esta técnica para corrixir o rumbo.
Ata o momento, e segundo informa a axencia
espacial estadounidense, o Curiosity percorreu 5,21 quilómetros dende a súa
aterraxe en agosto de 2012. O próximo destino é o monte Sharp, unha montaña de
5.500 metros onde se poderían achar evidencias de como cambiou e evolucionou o
clima en Marte. Espérase que chegue a este lugar a mediados deste ano.
Ningún comentario:
Publicar un comentario