ONU
Co avance constante que vemos no campo da robótica é
inevitable facerse a gran pregunta: Cando empezaremos a usar robots autónomos
para matar persoas? Por agora xa se están a usar drones teledirixidos en
operacións militares, que en ocasións acaban con vítimas inocentes; arredor
desta práctica xerouse un debate sobre se é ético matar a distancia coma se
estivésemos a xogar a un videoxogo, así que é de esperar que o uso de robots
autónomos que deciden pola súa conta os seus obxectivos baseándose en
algoritmos reciba o mesmo tratamento da sociedade.
Agora a ONU está disposta a iniciar este debate no Convenio
sobre Certas Armas Convencionais (CCW polas súas siglas en inglés) que se
celebra esta semana. Aínda que aínda non existen robots que poidan identificar
e disparar a obxectivos sen intervención dun ser humano, é de esperar que ao
ritmo que leva a industria estes aparezan mais pronto que tarde, e o último que
quere ninguén é que un país os despregue no campo de batalla antes de que
exista unha lexislación ao respecto.
Pero sobre todo o principal punto en contra para usar estes
robots é ético, afirman organizacións como Human Rights Watch (Observación dos
dereitos humanos) e a Facultade de Dereito de Harvard, que nun novo informe
analizan as consecuencias de usar os chamados "robots asasinos".
Os científicos tamén teñen algo que dicir ao respecto. Esta
non é unha situación moi diferente á que viviron as persoas detrás dos
descubrimentos que levaron á bomba atómica; descubriron unha gran fonte de
enerxía, pero tamén ao mesmo tempo a arma mais mortífera que coñeceu a
humanidade. Os enxeñeiros e científicos que hoxe traballan en Intelixencia
Artificial e sistemas robóticos temen que o seu traballo teña un destino
similar, e por iso o ano pasado expertos de 37 países asinaron a favor da
prohibición total destes robots autónomos con fins militares ou policiais.
Ningún comentario:
Publicar un comentario